හඳේ ලෝහ පිරිලා
හඳ වටේ ඉතාමත් වටිනා ලෝහ වර්ගයක් තිබෙන බව තම රොබෝ අභ්යවකාශ යානය විසින් සොයාගත් බව නාසා ආයතනයේ විද්යාඥයන් පිරිසක් කියා සිටිති. ටයිටේනියම් (Titanium) නොහොත් පරමාණුක ක්රමාංක නමින් හැඳින්වෙන මෙම ලෝහමය නිධිය හඳ වටා තැනින් තැන තැන්පත් වී තිබෙන බව දැනට හඳ වටා ගමන් කරමින් තිබෙන මෙම රොබෝ අභ්යවකාශ යානය විසින් නාසා ආයතනයට එවන ලද තොරතුරුවලින් තහවුරු වී ඇතැයි එහි සිටින විද්යාඥයෝ වැඩිදුරටත් කියා සිටිති.දැනට කක්ෂය වටා ගමන් කරමින් තිබෙන මෙම රොබෝ යන්ත්රය සඳ අවට පින්තූර ගැනීම සඳහා පුළුල් කාචයක් සහිත කැමරාවක් ප්රයෝජනයට ගෙන තිබේ.
ඇරිසෝනා ස්ටේට් විශ්වවිද්යාලයේ මහාචාර්යවරයකු වන මාර්ක් රොබින්සන් හඳ ගැන මෙසේ කියයි.
"හඳේ මතු තලය දෙස
බලාගෙන සිsටින විට අපට පෙනෙන්නේ අළුපාටින් තැනින් තැන පින්තාරු
කරන ලද ලස්සන චිත්රයක්. එසේ පෙනෙන්නේ මිනිස් ඇසට පමණයි.
එහෙත් නියම මෙවලමකින් බැලුවහොත් හඳ විචිත්ර ලෙස දැකගන්න
පුළුවන්. සමහර තැන්වල හඳ රතු පාටින්ද, සමහර තැන්වල නිල්
පාටින්ද දැක ගැනීමට පුළුවන්. අද්භූතජනක වුවද මෙම වර්ණවල විචලනය
අපට කියා පාන්නේ එහි රසායන සංයුතිය හා පරිණාමයයි. එහි ඇති යකඩ
බහුලත්වයත්, ටයිටේනියම් ප්රමාණයත් මෙයින් පෙන්නුම් කරනවා.
එසේම හඳේ ඇති පසේ ඇති මේරූ බවත් ඉන් පෙන්නුම් කරනවා.හඳේ ඇති විශාල ටයිටේනියම් ලෝහය අපට ලබාගැනීමට පුළුවන්ද? නාසා ආයතනයේ විද්යාඥයන් මීළඟ කුරුමානම් අල්ලන්නේ එම වටිනා ලෝහය අපට ලබාගැනීමට පුළුවන් මාර්ගයක් සෙවීම ගැනය.
No comments:
Post a Comment